29.03.2024 жылы Абай атындағы Жамбыл гуманитарлық жоғары колледжінде оқушылар мен студенттердің баян және аккордеон аспаптарында орындаушылық қабілеттерін арттыру арқылы халықтық және кәсіби музыкалық өнер туындыларына деген сүйіспеншілігін қалыптастыру мақсатында ұйымдастырылған "Жас сырнайшы - 2024" атты қалалық байқау өткізілді.
Байқауға Тараз қаласы, Байзақ, Меркі, Сарысу, Жамбыл аудандарының өнер мектептерінен 9-14 жас аралығында 16 оқушы және колледждің "Музыкалық білім беру", "Аспаптық орындаушылық" мамандықтарының 2,3,4 курс аралығында 11 студент қатысты. Нәтижесінде бас жүлдені 9-11 жас аралығында Сарысу аудандық білім бөлімінің Игілік ауылдық балалар өнер мектебінің оқушысы Зауалмақан Жандәулет, 12-14 жас аралығында Жамбыл облысы әкімдігінің білім басқармасы Тараз қаласының білім бөлімінің оқушылар сарайының оқушысы Сейтхан Жамбыл, "Музыкалық білім беру" мамандығы бойынша Жалиев Нұрдәулет, "Аспаптық орындаушылық" мамандығы бойынша Рахимбердиев Қалмырза бас жүлдені иеленді.
Аспаптық орындаушылық арқылы өз талантын шыңдап жүрген оқушылар мен студенттерге шығармашылық табыстар тілей отырып, болашақтарына үлкен үміт артамыз.
