25 Қаңтар 2023 жылы Абай атындағы Жамбыл гуманитарлық жоғары колледжінде даярланатын 02150400 «Хорды дирижерлау», 02150300 «Вокалдық өнер», 02150100 «Аспапта орындаушылық», 4S02150101 «Фортепиано», 01140200 «Музыкалық білім беру» мамандықтары бойынша жұмыс берушілермен кездесу өткізілді. Жамбыл облысындағы Балалар музыка мектептері және өнер орталықтарының директорлары қатысты. Мақсаты- Мамандарды даярлау сапасын арттыру үшін жұмыс берушілермен тиімді ынтымақтастықты нығайту және дамыту.
Білім беру бағдарламаларын әзірлеу және оңтайландыру, оның нәтижелерін және болашақ мамандардың құзіретін анықтау бойынша бірлескен жұмыс жүргізу туралы мәселе қаралды. Тәжірибеге бағдарланған оқыту қағидаттарын ескере отырып, білім алушылардың практикасын ұйымдастырудың нысандары мен мазмұнын жетілдіріп, оқу-әдістемелік материалдарды бірлесіп дайындау жөніндегі жұмысы талқыланды.
