25.02.2026 жылы Абай атындағы Жамбыл гуманитарлық жоғары колледжінде «Фортепиано» кафедрасының апталығының үшінші күні «Идеялардың маэстросы» тақырыбында білімгер-пианистер арасында конкурс өтті.
Конкурс барысында төртінші курс білімгерлері назарға үш іс-шара ұсынды: «Е. Г. Брусиловский: халық әуенінен кәсіби музыкаға» тақырыбындағы лекция-концерт, «Дыбысталатын түс: Қастеев және музыкалық бейнелер» атты шеберлік сабағы, сондай-ақ «Музыкалық саяхат» викторинасы.
Аталған іс-шаралар студенттер арасында педагогикалық идеялар алмасуға мүмкіндік беріп, презентация жобалау және мәдени-бұқаралық шараларды ұйымдастыру дағдыларын дамытуға ықпал етті. Сонымен қатар, білім алушылардың ішкі жан дүниесін байытып, эстетикалық талғамын қалыптастыруға және шығармашылық белсенділігін арттыруға оң әсерін тигізді.
