2025 жылғы 11 маусым күні «Вокалдық өнер» мамандандырылуы бойынша бітіруші түлектердің қорытынды аттестациясы бекітілген кесте мен білім беру бағдарламасының талаптарына сәйкес өткізілді.
Мемлекеттік емтихан комиссиясының құрамы:
• Төраға:
Үсенбаев Ербол Тұңғышұлы – Абай атындағы Қазақ ұлттық педагогикалық университетінің Музыкалық білім және хореография кафедрасының аға оқытушысы, өнертану кандидаты.
• Комиссия мүшелері:
Ахметов Панабек Үшкемпірович – Жамбыл облысы әкімдігінің білім басқармасы Байзақ ауданының білім бөлімінің Кенен Әзірбаев атындағы балалар саз мектебінің директоры.
Омаров Жандос Әскербекұлы – Кенен Әзірбаев атындағы Жамбыл облыстық филармониясы директорының орынбасары, ҚР «Мәдениет саласының үздігі» төсбелгісінің иегері.
• Пән оқытушылары:
Жилгельдинова М.К., Мырзакулова С.А., Макашова А.Ы.
Мемлекеттік емтихан барысы туралы:
Емтихан оқу жоспары мен әдістемелік талаптарға толық сәйкес өтті. Студенттер бітіру деңгейіне сай әртүрлі жанрлар мен стильдерден тұратын жеке бағдарламаларын ұсынды. Орындау барысында аспапты еркін меңгеру, техникалық дайындық, сахналық жинақылық, көркемдік-музыкалық ойлау қабілеті айқын байқалды.
Комиссия мүшелері дыбыс сапасы, орындау нақтылығы, динамика және нюанс элементтеріне ерекше назар аударды. Көпшілік студенттер жоғары дайындық деңгейін, кәсіби шеберлігін және сахналық мәдениетін көрсете білді.
Емтихан нәтижелері:
1. Садатқызы Шолпан – 95 балл (оқытушысы: Жилгельдинова М.К.)
2. Асан Расул – 90 балл (оқытушысы: Мырзакулова С.А.)
3. Әшімбек Мадина- 90 балл (оқытушысы: Макашова А.Ы.)
4. Әмірғали Анар- 80 балл (оқытушысы: Макашова А.Ы.)
5. Бақыт Дияр- 75 балл (Бақыбаев Е.)
Студенттер өз білім деңгейлеріне және орындаушылық қабілеттеріне сәйкес бағаланып, лайықты нәтижелерге қол жеткізді.
