Абай атындағы Жамбыл гуманитарлық жоғары колледжі «Актер және хореография» ПЦК-сы «Ұлы даланың рухты жастары» тақырыбында апталықтың ашылуын жасады.
Еліміздің басты ұлттық рухани құндылығы өнер мен мәдениетті жас ұрпаққа дәріптеп, танымдық және шығармашылық қабілеттері мен іскерлік дағдыларын білімгерлердің бойына дамыта білді. Мамандықтары бойынша кәсіби шеберліктерін шыңдау арқылы, құзіреттіліктерін қалыптастырды.
Аталмыш іс-шара аясында білімгерлер «Аманат» атты Н.Сауданбекұлының шығармасы арқылы Алаш идеясын және арман мақсаттарын жітті зерттеп, ұлы дала тұлғаларының өмір-тарихын бойларына сіңіріп, сахнада кәсіби өнер көрсете білді.
Шығарманы залда тамашалап отырған жас ұрпақ пен ұлағатты ұстаздар тарихи сәттердің куәсі болып, зор алғыстарын білдірді.
