19.11.2024 күні Абай атындағы Жамбыл гуманитарлық жоғары колледжінде Жүсіпбек Аймауытовтың туғанына 135 жыл толуына орай "Ұлттық сана, ұлт тағдыры, жан жүйесі" тақырыбында ғылыми танымдық кеш өтті.
Жас ұрпаққа ұлы тұлғаның еңбектерін таныстыра отырып, рухани құндылықтарды дәріптеу мақсатында ұйымдастырылған кешке М.Х.Дулати атындағы Тараз өңірлік Университетінің педагогика ғылымдарының магистрі Г.Т. Спаналиева, әлеуметтік ғылымдар магистрі Г.Б. Макашкулова, педагогика ғылымдарының магистрі Г.Л. Абдрасилова, «Мектепке дейінгі және бастауыш білім беру» кафедрасының аға оқытушысы А.С. Жумадилова қатысып, "Психология", "Тәрбиеге жетекші", «Комплекспен оқыту жолдары» еңбектерінің құндылығы, бүгінгі жас ұрпақтың тәрбие мәселесінде қажеттілігі, іс-тәжірибедегі маңыздылығы туралы ой-бөлісті.
Сонымен қатар танымал шығармаларының бірі "Ақбілек" романынан сахналық қойылым көрсетіліп, «Алаш маршы» әні шырқалды.
