28.03.2025 жылы Абай атындағы Жамбыл гуманитарлық жоғары колледжінде «Музыкалық білім беру» ПЦК-сы апталығы аясында ерекше әдеби - сазды кеш өтті. "Шақырады көктем" атты бұл іс-шара қазақ поэзиясының көрнекті өкілі, сыршыл лирик Тұманбай Молдағалиетвің 90 жылдығына арналды.
Кеш барысында ақынның жүрек тебірентер жырлары оқылып, оның сөзіне жазылған әсем әндер шырқалды. Әдебиет пен музыканың үйлесімі, көктемнің жылы лебі, ақынның мәңгілік мұрасы жиналған қауымның жүрегіне ерекше сезім ұялатты. Тұманбай жырлаған көктемнің сұлулығы, жастықтың жалын оты, шынайы махаббат сезімі – бәрі де сол кештің басты тақырыбына айналды.
Іс-шараға Тараз қаласы №50 орта мектеп және "Тамаша өнер" дамыту орталығының оқушылары келіп, сыршыл ақынның поэзияларын оқыды.
Кеш соңында мектептен келген оқушылар алғыс хаттармен марапатталып, ақынның “Шақырады көктем” атты өлеңдер жинағы сыйға тартылды.
