2026 жылғы 19 ақпанда Абай атындағы Жамбыл гуманитарлық жоғары колледжінде «Биле, өнер, шарықта!» атты облыстық би байқауы ұйымдастырылды.
Байқаудың мақсаты - қатысушылардың кәсіби құзыреттілігін арттыру, шығармашылық тәжірибе алмасу мүмкіндігін кеңейту және өңірлік хореография өнерін дамыту.
Іс-шараға Тараз қаласы мен Шу, Байзақ, Т. Рысқұлов аудандарынан келген шығармашылық ұжымдар мен жеке орындаушылар қатысты.
Байқау бағдарламасы қатысушылардың орындаушылық шеберлігін, сахналық мәдениетін және техникалық дайындық деңгейін бағалауға бағытталды. Қойылымдар мазмұндық және техникалық талаптарға сәйкес ұсынылды.
Сонымен қатар, «Хореография өнері» мамандығының оқытушылары қатысушыларға арналған мастер-класс өткізді.
Шеберлік сабағы барысында сахналық мәдениет, қозғалыс техникасы, орындаушылық шеберлік және кәсіби дайындық мәселелері бойынша практикалық ұсынымдар берілді.
Қазылар алқасының шешімімен үздік өнер көрсеткен қатысушылар тиісті дәрежелі дипломдармен және алғыс хаттармен марапатталды.
