29.10.2024 ж.күні "Музыкалық білім беру " мамандығының оқытушылары Ахметов Мұрат Тұрсынұлы мен Жолдасбаева Гүлнұр Болатбекқызының Республикалық деңгейдегі Алматы, "Өнер " баспасынан басылып шыққан "Баян аспабын үйрену мектебі " атты оқу құралының тұсаукесері өтті. Бейнежазба мен автордың түсіндірме жұмысы арқылы оқу құралы туралы мағлұмат берілді.
Кітаптың ашылуына авторлардың ұстаздары М. Х. Дулати атындағы Тараз университетінің аға оқытушылары университет доценті ( қауымдастырылған профессор), Қазақстан Республикасының мәдениет қайраткері, “Қазақстан Республикасының ғылымына сіңірген еңбегі үшін” төсбелгісінің иегері Рысметов Ержан Хожабергенұлы және университет доценті ( қауымдастырылған профессор), оқу үздігі және мәдениет саласының үздігі төсбелгілерінің иегері Бейсеуов Сейсен Бейсеуұлы қонаққа келді. Колледж директоры Есеев Саясат Керімбекұлы және оқытушы Асылбеков Нұрлан Мәлікұлы, келген қонақтар оқу құралының тұсауын кесіп, ізгі тілектерін жеткізді.
