26.01.2024 жылыАбай атындағы Жамбыл гуманитарлық жоғары колледжі, Жамбыл облысы әкімдігі білім басқармасының оқу-әдістемелік орталығы және Жамбыл ауданы білім бөлімінің «Нұршуақ» бөбекжай-бақшасының ұйымдастыруымен мектепке дейінгі ұйым тәрбиеленушілері арасында «BabySkills-2024» облыстық чемпионаты өткізілді.
Чемпионат ережесі, құзыреттілік тапсырмалары,бағалау өлшемдері, бағдарлама және сценарийі құрылып,чемпионаттың «Медициналық қызмет», «Шаштараз өнері» құзыреттіліктері бойынша екі модуль негізінде өткізілетіндігі жоспарланды.
А- модулі бойынша екі құзыреттіліктегі алғашқы тапсырма «Шаштараз мамандығы туралы не білемін?», «Дәрігер мамандығы туралы не білемін?», екінші тапсырма ретінде «Артығын тап» дидактикалық ойыны ойнатылды.
В модулінде «Шаштараз өнері» құзыреттілігіндегі бірінші тапсырма «Шаш үлгісін жасау», екінші тапсырма «Дайын шаш үлгісін көрсету», «Медициналық қызмет» құзыреттілігіндегі бірінші тапсырма «Шартты жараны емдеу және таңғышты қолдану», екінші тапсырма «Пациентке жасалған көмекті баяндау».
Чемпионат соңында аудандардан келген жас мамандар, тәрбиешілер, қонақтар чемпионат туралы пікірлерімен бөлісті.
Чемпионат қорытындысы бойынша Жамбыл облысы әкімдігі білім басқармасының оқу-әдістемелік орталығының бөлім жетекшісі Ережепбаева Алма Сайлаубековна және сарапшылар мектепке дейінгі ұйым тәрбиеленушілеріне, жетекшілеріне, ұйымдастырушыларына диплом, сертификаттар тапсырды.
